Pemp e oamp disadorn, pevar disul, evit derc’hel un tamm stand eno. Deuet e oa ganimp un daol-gampiñ, follennoù orañjez, skotch ha kreionoù a-benn ober an tamm stand-se. Ha kavet ul lec’h brav…
Bep a d-shirt orañjez dindannomp, kelaouet hon oa an dud a deue da welet ac’hanomp (ha kalz oa deuet, eus ar vro pe eus Euskal Herria, Okitania, Bro-Gembre, Bro-C’hall, Alamagn). War ar marc’had hon oa gwerzhet muioc’h evit 30 t-shirt ha roet titouroù diwar-benn ar brezhoneg, penaos emañ kont gantañ en deiz-ha-herie, penaos deskiñ anezhañ hag all… Ha bern tud da reiñ kalon deomp.